Tað er trygt at koma til tannlækna

Tannlæknastovan PETRI lat upp á Sjúrðargøtu 20 í juni 2011. Klinikkin hevur nýggjastu og nýmótans útgerð, ið er við til at tryggja bestu viðgerð og góðsku. Klinikkina eigur Joan Petri Olsen, tannlækni.

Vit leggja stóran dent á eitt tætt og jaligt samskifti við viðskiftafólki, umframt at yrkisliga dygdin verður sett í hásæti. Vit bjóða allar vanligar tænastur innan tannrøkt, krúnur, brýr, protesir, plastfyllingar, kosmetiskar viðgerðir, bleiking, smærri tannrættingar, parodontosu, narkosu, kirurgi v.m. Vit hava drúgvar royndir og kunnu vísa á sera góð úrslit við parodontosu viðgerðum og tannlæknaótta (odontofobi).

Í løtuni eru tríggir tannlæknar á PETRI Tannklinikk, umframt at ein sertannlækni í kirurgi og ein serlækni í anæstesi (narkosulækni) eru knýttir at klinikkini. Fyri vanligu tannrøktini standa tveir sera dugnaligir tannrøktarar, og protesum (handilstenn v.m.) tekur tannteknikarin sær av, í tøttum samstarvi við tannlæknan.